7755-4090
Герман улсад сурахад шаардагдах зардал бага учраас дээд боловсрол эзэмших зорилготой хүмүүс дэлхийн өнцөг булан бүрээс зорин очдог. Төлбөргүй сурах боломжтойгоос гадна олон улсад хүлээн зөвшөөрөгдөж чадсан нэр хүндтэй боловсролыг та Герман улсад эзэмшиж чадна.
Та тус улсад суралцах бусад давуу талуудын талаар бодож үзэж байсан уу? Тэгвэл бид таньд хэрэг болох зарим мэдээллийг товчхон дурдья. Бусдыг нь та өөрийн биеэр очоод мэдээрэй.
- Герман улсад суралцсанаар та зөвхөн тухайн чиглэлээр сурч боловсрох чадвараа дээшлүүлээд зогсохгүй зөв хувь хүн болж төлөвшиж чадна. Мөн та амьдралынхаа алхам тутам бүрт танд тус дэм болохуйц дэг журам, сахилга батыг бий болгож чадна.
- Герман нь Европ тивийн бараг л төв хэсэгт оршдог тул Европын аль ч улс руу богино хугацаанд маш хямд зардлаар очиж болно. Ихэнх хотууд нь Европын бусад том хотуудтай сайн холбогдсон байдаг учраас хүссэн газраа аялах боломжтой. Тиймээс хичээлийнхээ хажуугаар, амралтаараа хүссэнээрээ аялаад аваарай.
- Сурахын хажуугаар ажиллах боломжтой. Энэ нь жилийн хугацаанд 120 бүтэн өдөр буюу 240 хагас өдрийн ажил хийхийг зөвшөөрдөг. Ажил хийснээр нэмэлт орлого олохын зэрэгцээ ажлын туршлага хуримтлуулах давуу талуудтай. Хүүхэд асрагч, зөөгч, эрдэм шинжилгээний ажилтны туслах, хувийн багш гэх мэт олон төрлийн ажлуудаас сонгон хийх боломжтой. Цагийн хөлсний доод хэмжээ 9 евро 35 цент. Таны ажлын туршлага ирээдүйн хөдөлмөр эрхлэлтийн чадварыг тань нэмэгдүүлж, амьдралын хэв маягийг илүү сахилга баттай болгож, бие даан амьдарч сурахад тусална.
- Таны семестрийн төлбөрт суралцаж буй их сургуулийнхаа хот дотор нийтийн тээврээр зорчих (заримдаа улс дотор зорчих) зардал багтана.
- Гэр бүлтэй оюутнуудын хувьд гэр бүлийн бусад гишүүдтэйгээ хамт байх боломжтой. Сургуулийн болон цэцэрлэгийн насны хүүхдүүд улсын сургууль, цэцэрлэгт үнэ төлбөргүй хамрагдана.
- Эцэст нь хэлэхэд сургалт дууссаны дараа таньд 18 сарын нэмэлт хугацаа өгөгдөх бөгөөд энэ хугацаанд ажил хайж олох эсвэл үргэлжлүүлэн суралцах боломжтой. Тус улсад эрэлт хэрэгцээтэй байгаа мэргэжил эзэмшчихвэл төгсөөд ажлын байрны хувьд та санаа зоволтгүй байж болно.
Эх сурвалж:
Recent Comments